FIFA po shqyrton mundësinë e një dënimi të ri ndaj Federatës së Futbollit të Serbisë, dhe kësaj radhe nuk do të jetë vetëm një kufizim i numrit të shikuesve, por stadiumi “Rajko Mitiq” në Beograd mund të mbyllet plotësisht për ndeshjen ndaj Shqipërisë.
Lajmin e ka raportuar gazeta serbe “Alo”.
Ndeshja Serbi – Shqipëri është planifikuar të zhvillohet më 11 tetor në Beograd, në kuadër të kualifikimeve për Kupën e Botës 2026.
Sipas mediave serbe, dënimi i mundshëm lidhet me thirrjet “Kosova – Serbia” gjatë ndeshjes Serbi-Angli, e zhvilluar të martën mbrëma në Beograd, ku Anglia fitoi 0:5.
Në qoftë se kjo gjë ndodh, atëherë do të ishte një bonus shumë i madh për Kombëtaren e Silvinjos.
