Lamborghini dhe Cayago kanë bashkuar forcat për të krijuar skuterin më të fuqishëm detar ndonjëherë – SEABOB SE63.
Ky mjet revolucionar, i frymëzuar nga ADN-ja e Lamborghini-t, sjell një nivel krejt të ri dizajni, dinamike dhe përvoje ngarjeje në ujë.
Marka italiane padyshim nuk dëshiron të lërë përshtypje vetëm në asfalt. Me bashkëpunimin e saj të fundit, Lambo dëshiron të lërë përshtypje edhe në det.
SE63 i ri nuk është vetëm një përmirësim i modeleve ekzistuese, por një mjet i ridizajnuar plotësisht me një sistem inovativ shtytës që ofron fuqi të madhe.
Falë një arkitekture të re motori, teknologjisë revolucionare të baterisë dhe materialeve premium, ky seabob ofron një përvojë emocionuese intensive dhe të pakufizuar në ujë.
Pjesët teknike të bëra nga titani, si dhe një bosht motori me fibra karboni, e bëjnë SE63 një kryevepër të inxhinierisë. Sistemi i ri i krahëve përmirëson ndjeshëm stabilitetin gjatë ngasjes, dhe dorezat e kontrollit të optimizuara ergonomikisht sigurojnë kontroll të përsosur edhe në shpejtësi të larta.
Për ata që kërkojnë performancë të lartë, është në dispozicion një Bord Performance opsional, i cili ofron stabilitet shtesë në shpejtësi maksimale, duke krijuar ndjesinë e “fluturimit” mbi ujë.
Dizajni pasqyron qartë stilin dallues të Lamborghinit – nga skajet aerodinamike deri te silueta unike. Ngjyrat ekskluzive përfshijnë Arancio Egon, Verde Gea, Grigio Lynx, Verde Selvans, Giallo dhe Bianco Siderale.
Premiera botërore e SEABOB SE63 për Automobili Lamborghini sapo u zhvillua në Festivalin e Jahteve në Kanë, dhe prodhimi është planifikuar për vitin 2026.
