Hailey Bieber dukej thjesht mahnitëse teksa pozonte me një kostum banje të zi, me dekolte të thellë, gjatë një sesioni fotosh pranë pishinës në Chateau Marmont në West Hollywood.
Mes raportimeve se ka qenë një ndikim i madh në vendimin e bashkëshortit të saj, Justin Bieber, për të qenë kryeartist në Coachella 2026, supermodelja 28-vjeçare tregoi fizik të tonifikuar dhe vetëbesim teksa pozonte mbi një trampolinë që shihte nga pishina ikonike e hotelit.
Të gjitha sytë ishin tek nëna e një fëmije, e cila ekspozonte siluetën e saj elegante me kostumin e guximshëm, që kishte një dekolte të thellë dhe prerje të larta në pjesën e këmbëve, duke theksuar më tej linjat e saj, shkruan “Daily Mail”.
Ajo e kombinoi veshjen me taka të holla me rripa, që nuk e penguan të ecte me lehtësi dhe siguri drejt skajit të trampolinës.
Në një moment, themeluesja e markës Rhode u përkul për të rregulluar dekoltenë e kostumit, ndërsa më vonë u ul mbi trampolinë, duke lëshuar këmbët e gjata mbi ujin turkual të pishinës.
Mes pozimeve plot shikim joshës drejt kamerës, bukuroshja nuk i kurseu as buzëqeshjet, duke u dukur e qetë dhe lozonjare mes shkrepjeve.
