Legjenda e Manchester United, Wayne Rooney, beson se Mohamed Salah nuk do të jetë i lumtur me transferimin e Alexander Isak te Liverpool-i këtë verë.
Klubi i Merseyside nënshkroi sulmuesin suedez nga Newcastle United për një shumë rekord për futbollin anglez prej 125 milionë sterlinash.
Salah kishte qenë prej kohësh lojtari kryesor në Anfield dhe e përfundoi sezonin e kaluar me 34 gola dhe 23 asiste nga 52 ndeshje në të gjitha kompeticionet. 33-vjeçari nënshkroi një marrëveshje të re me Reds më herët këtë vit që e mban atë në klub deri në vitin 2027.
Megjithatë, me egjiptianin që tashmë është në vitet e fundit të karrierës, Liverpool-i po harton plane për vazhdimësinë e sulmit. Me Isak, kampionët në fuqi të Premier League kanë një golashënues të fuqishëm që mund të shënojë fillimin e një epoke të re në Merseyside.
Duke folur në BBC Radio 5 Live, Rooney shtoi se mbërritja e 25-vjeçarit mund ta shtyjë Salah të japë më të mirën e tij.
“Edhe pse Salah ka qenë lojtari më i mirë te Liverpooli për vite me radhë, ai nuk do të jetë i lumtur që Isak ka ardhur dhe po i merr vëmendjen. Është çështje krenarie personale, ai do të dëshirojë të jetë më i miri”, tha Rooney.
Ai vazhdoi:
“Kur United mori Tevez, kishte shumë lajme që thoshin se ishin të shqetësuar se nuk mund të luanim së bashku.
Por sapo nënshkruam lojtarë, mendova: ‘Nuk ka asnjë mënyrë që ai të marrë vendin tim’. Kështu që kjo natyrisht të jep një shtytje”.
