Sipërmarrësi italian, 44-vjeçar Edoardo Sarchi, i cili u gjet pa shenja jete mesnatën e kaluar në Salari të Tepelenës, në rrethana ende të paqarta, nuk ishte emër i panjohur në vendin e tij.
Ai zhvillon aktivitet tregtar në Shqipëri prej të paktën 25 vitesh dhe rezulton administrator dhe pronar i kompanisë “Tegola Edilcentro”, me seli në Laprakë dhe me aktivitet prodhim tullash. Ndërkohë, në Itali njihet në botën e politikës nëpërmjet babait të tij, raporton media italiane Varese News.
Babai i tij është Vittorio Sarchi, një figurë historike në politikën lokale. Një mik dhe bashkëpunëtor i senatorit të ndjerë Piero Pellicini – babai i deputetit aktual të Fratelli d’Italia dhe ish-kryetarit të bashkisë së Luino Andrea Pellicini – Vittorio Sarchi shërbeu si Këshilltar për Sigurinë gjatë mandatit të dytë të Gianercole Mentasti dhe si këshilltar bashkiak gjatë mandatit të parë të Andrea Pellicini.
Pas përvojës së tij administrative, ai kandidoi në listën e qendrës së djathtë Nuova Frontiera, duke mbështetur Pellicinin, duke mbetur aktiv deri në vitin 2015. Ai ndërroi jetë në vitin 2022, në moshën 81 vjeç.
