Emma Bunton tërhoqi vëmendjen me një paraqitje elegante dhe plot stil, teksa u pa duke dalë nga studiot e Heart Radio të enjten.
Këngëtarja 49-vjeçare, e njohur nga grupi legjendar Spice Girls, kishte veshur një fund të shkurtër prej lëkure dhe xhaketë të njëjtë në ngjyrë burgundy, të kombinuar me çizme deri te gjunjët me motive të printuara – një zgjedhje perfekte për stinën e vjeshtës.
Gjatë emisionit të mëngjesit, Emma foli për ish-anëtaret e grupit, Geri Halliwell Horner, Mel B, Mel C dhe Victoria Beckham, shkruan Daily Mail.
“Dje isha me Geri, javën e kaluar darkova te Victoria, dhe fola në telefon me Mel C – të gjitha janë të mrekullueshme,” tha ajo me dashamirësi. “Ne gjithmonë jemi në kontakt dhe është shumë bukur. Tani të gjitha jemi nëna.”
Prej kohësh, grupi Spice Girls ka qenë subjekt i spekulimeve për një ribashkim, ndërsa fansat vazhdojnë të shpresojnë për një rikthim të shumëpritur.
