Superkompjuteri i “Opta” ka ndryshuar parashikimin për favoritët e Champions League pas xhiros së dytë të fazës së grupeve. Analiza e të dhënave nga 18 ndeshjet e fundit ka sjellë ndryshime në renditjen e ekipeve, duke rikthyer vëmendjen nga Liverpool drejt Arsenalit, në veri të Londrës.
Ekipi i Mikel Arteta ka tani përqindjen më të lartë pozitive të mundësisë për triumf mes 36 skuadrave të fazës, rreth 18%. Liverpool-i, që humbi në Stamboll, dhe PSG, fituese në Barcelonë, e mbyllin podiumin me 14.70% dhe 13.96% shanse respektivisht.
Pas tyre renditen Manchester City dhe Bayern Munich, njëri me barazim ndaj Monaco dhe tjetri me fitore të thellë ndaj Pafos.
Ekipet spanjolle, Barcelona dhe Real Madridi renditen të gjashtët dhe të shtatët. Barcelonës i jepen 8.25% shanse, ndërsa Real Madridit vetëm 494%, pavarësisht se ndan kreun e golashënuesve të fazës së grupeve me Bayern Munich.
