Romanca midis Sydney Sweeney dhe Scooter Braun duket se po forcohet.
Ylli i “Euphoria”, 28 vjeçe, dhe manjati i muzikës, 44 vjeç, u panë të kapur për dore duke shkuar në një ndërtese zyrash në New York të dielën pasdite.
Sweeney u shfaq me fund të shkurtër gri dhe bluzë me vija, ndërsa Braun veshi një xhaketë të errët dhe bluzë të bardhë, shkruan DailyMail.
Çifti duket se ka qenë shumë i lidhur që nga takimi i tyre veror në dasmën veneciane të Jeff Bezos dhe Lauren Sanchez, dhe raportimet tregojnë se marrëdhënia e tyre është serioze.
Ata kaluan fundjavën e Ditës së Punës në liqenin Tahoe dhe Sweeney e prezantoi Braun me prindërit e saj, duke treguar që lidhja po ecën me hapa të sigurt.
Përveç jetës së saj personale, Sweeney po shijon edhe suksesin profesional. Filmi i saj i ri “Christy” dhe Çmimi për Arritje në Aktrim në Festivalin e Filmit në Hamptons e kanë vendosur akoma më shumë në qendër të vëmendjes, duke shënuar një moment kulmor pas polemikave për fushatën e saj të xhinseve “American Eagle”.
Ky sukses dhe lumturia personale e çifti tregojnë që Sydney dhe Scooter po jetojnë një periudhë të veçantë dhe të harmonishme, ndërsa romanca e tyre mbetet një nga më të komentuarat në Hollywood.
