Në komisionet parlamentare puna ka nisur me mbajtjen e një minute zi në nderim të gjyqtarit Astrit Kalaja i cili u vra dje barbarisht në sallën e gjyqit të Gjyaktës së Apelit.
Deputetja demokrate, Jorida Tabaku deklaroi se ajo që ndodhi dje ka kaluar përtej çdo limiti.
“Të gjithë jemi tronditur nga ajo çfarë pamë dhe dëgjuam dje nga Gjykata e Apelit dhe ajo që ndodhi ka kaluar përtej çdo limiti”, u shpreh ndër të tjera ligjvënësja demokrate Jorida Tabaku.
Deklaratat e saj Tabaku i bëri gjatë mbledhjes së përbashkët të Komisionit për Nismat Qytetare, Bashkëpunimin dhe Mbikëqyrjen Institucionale dhe Komisionit për të Drejtat e Njeriut dhe Mjetet e Informimit Publik, ku në rend të ditës është Raporti i veprimtarisë vjetore të Avokatit të Popullit (AP) për vitin 2024.
