Diane Keaton, një nga yjet më të dalluara dhe më të dashura të Hollivudit, ka ndërruar jetë në moshën 79-vjeçare.
Një zëdhënës i familjes konfirmoi për revistën People se aktorja fituese e çmimit ‘Oscar’ ka ndërruar jetë në Kaliforni.
Të afërmit e saj kanë kërkuar privatësi ndërsa po e vajtojnë humbjen e saj.
Nuk janë dhënë ende detaje të tjera.
E njohur për hijeshinë e saj të çuditshme, humorin dhe stilin e përjetshëm, Keaton ndërtoi një karrierë që zgjati më shumë se pesë dekada-që nga roli i saj i hershëm në trilogjinë The Godfather deri te interpretimi që i solli ‘Oscar’-in në Annie Hall.
Ajo u bë një nga figurat përcaktuese të kinemasë së viteve 1970 dhe më pas forcoi trashëgiminë e saj me filma të suksesshëm si Baby Boom, Father of the Bride, The First Wives Club dhe Something’s Gotta Give.
