Modelja dhe personaliteti televiziv britanik, Christine McGuinness, ka rrëfyer se jeta si beqare nuk është aq e lehtë sa mendohej, duke pranuar se shpesh ndjehet e vetmuar pas ndarjes nga ish-bashkëshorti Paddy McGuinness.
Në një intervistë të fundit, Christine u shpreh se pavarësisht pavarësisë që ka fituar pas divorcit, ajo ende po mësohet me ndryshimet e mëdha që ka sjellë jeta e vetme.
“Është ndonjëherë e bukur të jesh vetëm dhe të kesh paqe, por ka edhe momente kur ndihesh vërtet e vetmuar,” ka thënë ajo.
Christine dhe Paddy, të cilët u ndanë në vitin 2022 pas 11 vitesh martesë, kanë mbetur në marrëdhënie të mira për hir të tre fëmijëve të tyre. Ajo shtoi se përpiqet të mbajë fokusin te familja dhe mirëqenia e fëmijëve, por pranoi se ndonjëherë i mungon partneriteti emocional që kishte më parë.
“Jeta vazhdon dhe po përpiqem të gjej veten sërish,” përfundoi ajo me sinqeritet.
