Jennifer Aniston ka folur hapur për një nga temat më personale të jetës së saj – arsyen pse vendosi të mos adoptojë fëmijë, pas një beteje 20-vjeçare për t’u bërë nënë.
Aktorja 56-vjeçare, e njohur më së shumti për rolin e saj në serialin Friends, rrëfeu se pas përpjekjeve të shumta me fekondim in vitro (IVF), ajo e ka pranuar realitetin e infertilitetit.
“Ka një moment kur kupton se nuk është më në duart e tua. Nuk ka asgjë që mund të bësh për ta ndryshuar,” tha Aniston në podkastin Armchair Expert.
Ajo shtoi se, ndonëse shumë njerëz i kanë propozuar adoptimin, kjo nuk ka qenë kurrë një mundësi për të: “Nuk dua të adoptoj. Dua ADN-në time tek një person i vogël. Mund të jetë egoiste, por kështu e kam ndjerë gjithmonë”.
Ylli hollivudian, e cila ka kaluar dekada nën presionin e medieve për mungesën e një fëmije, tha se është tashmë e pajtuar me faktin që nuk do të bëhet nënë biologjike, shkruan DailyMail.
“Nuk ishte pjesë e planit tim, sado që e kam dashur. Dhe kur mjekët të thonë ‘kaq ishte’, është një ndjesi shumë e çuditshme”, shtoi ajo me emocion.
Në një intervistë të mëparshme për Harper’s Bazaar UK, Aniston ka rrëfyer se e ndjeu nevojën të fliste publikisht në vitin 2016, kur shkroi esenë e saj “E ngopur” për Huffington Post, duke theksuar se “gratë janë të plota me ose pa partner, me ose pa fëmijë”.
Ajo shpjegoi se donte të thyen tabutë dhe paragjykimet që shumë gra përballen kur nuk kanë fëmijë.
Aktorja ka qenë e martuar me Brad Pitt për pesë vite, deri në ndarjen e tyre në vitin 2005, dhe më pas me Justin Theroux deri në vitin 2017.
Sot, ajo shijon një periudhë të qetë në jetën e saj, në një lidhje me hipnotizuesin Jim Curtis, ndërsa vazhdon karrierën e saj të suksesshme si producente dhe protagoniste në serialin The Morning Show.
Në fund, Aniston tha se ndonëse rruga e saj nuk ishte ajo që kishte ëndërruar në rini, ajo ndihet e plotësuar: “Kam dashuri në jetën time, familje të zgjeruar, miq të vërtetë dhe qetësi shpirtërore. Kjo është mënyra ime e të qenit nënë, ndoshta jo biologjikisht, por me zemër”.
