Maurizio Scanavino, CEO i Juventus, do të largohet nga klubi më 7 nëntor 2025, kur përfundon zyrtarisht mandati i tij.
Juventus ka konfirmuar zyrtarisht se Scanavino do të japë dorëheqjen pas tre vjetësh në këtë rol. Klubi i ka falënderuar atij për kontributin në zhvillimin e klubit dhe për vendosjen e themeleve për një fazë të re rritjeje.
“Tre vjet më parë, pranova këtë pozicion prestigjioz në një kohë jashtëzakonisht kritike, një periudhë që nuk ishte pa rreziqe për ata që u ngarkuan me drejtimin e klubit. Qëllimi ishte i qartë: të fillonim një rrugë të fokusuar te qëndrueshmëria ekonomike dhe konkurrenca sportive.
“Falë mbështetjes së pronarëve, drejtorëve dhe kolegëve të talentuar, u përballëm me sfida të shumta me vendosmëri, pavarësisht vështirësive.
“Do të ruaj gjithmonë emocionet unike që përjetova dhe ndava me lojtarët, trajnerët, drejtorët sportivë dhe gjithë stafin. Këto momente do të mbeten të paharrueshme.
“Sot, më shumë se kurrë, shikoj të ardhmen e Juventusit me besim të madh dhe jam i sigurt se ende ka shumë faqe të rëndësishme për t’u shkruar,” tha Scanavino.
