Tajvani miratoi sot planin me vlerë 1.4 miliard dollarë për blerjen e 100 mijë dronëve gjatë tri vjetëve të ardhshme, njoftoi Ministria e Çështjeve Ekonomike.
Ai planifikon të blejë 50 mijë e 898 dronë për përdorim civil dhe qeveritar dhe 48 mijë e 750 për qëllime mbrojtëse.
Legjislatura e Tajvanit, e njohur në vend si Juani Legjislativ, miratoi investimin për prodhimin vendas të dronëve pa pilot për gjashtë vitet e ardhshme, sipas Taipei Times.
Kombi ishullor aktualisht ka rreth 250 prodhues dronësh, vlera e prodhimit të të cilëve arriti në 5.05 miliardë dollarë në dollarë të Tajvanit të Ri në vitin 2024.
Taipehu zyrtar ka nënshkruar tetë memorandume mirëkuptimi për të hyrë në zinxhirët e furnizimit me vende të ndryshme në mbarë botën, duke përfshirë SHBA-në, Japoninë, Republikën Çeke dhe Poloninë.
Tajvani ka propozuar një buxhet prej 31.1 miliardë dollarësh për mbrojtjen vitin e ardhshëm, që arrin në mbi tre për qind të produktit të brendshëm bruto të ishullit.
