Deficiti buxhetor i SHBA-së ra në 1.77 trilion dollarë në vitin fiskal 2025, duke shënuar rënie dy për qind krahasuar me 2024, njoftoi sot Departamenti i Thesarit.
Deficiti buxhetor u regjistrua në 1.82 trilion dollarë në vitin fiskal 2024. Të ardhurat e qeverisë në vitin fiskal 2025 u rritën 6 për qind krahasuar me periudhën e mëparshme, duke arritur në 5.23 trilionë dollarë, ndërsa shpenzimet u rritën 4 për qind gjatë së njëjtës periudhë, në 7.01 trilionë dollarë.
Në shtator, muajin e fundit të vitit fiskal, qeveria shënoi një tepricë buxhetore prej 198 miliardë dollarësh.
Të ardhurat qeveritare u rritën 3 për qind në shtator krahasuar me të njëjtin muaj të vitit të kaluar në 544 miliardë dollarë, ndërsa shpenzimet ranë me 23 për qind në 346 miliardë dollarë.
Të ardhurat nga taksat doganore, të cilat arritën nivele rekord gjatë vitit, kontribuuan në uljen e deficitit. Të ardhurat nga taksat doganore në vitin fiskal 2025 u rritën 153 për qind në 195 miliardë dollarë.
Viti fiskal i SHBA-së fillon në tetor dhe përfundon në shtator.
