Detajet e reja në hetimin për vdekjen e 15-vjeçares Celeste Rivas zbulojnë se policia ishte në rezidencën e këngëtarit D4vd në Los Angeles vetëm dy muaj para se trupi i saj të gjendej në makinën e tij Tesla.
Sipas informacionit të marrë nga The US Sunnëpërmjet një kërkese për akses në informacion, në orën 4:38 të mëngjesit më 20 korrik, një fqinj telefonoi policinë për një “shqetësim publik”.
Një zëdhënës i Departamentit të Policisë së Los Anxhelosit konfirmoi se raporti ishte për shkak të muzikës me zë të lartë. Megjithatë, patrulla e policisë mbërriti në adresë vetëm në orën 8:57 të mëngjesit dhe deri atëherë situata ishte qetësuar.
Një ish-fqinj i këngëtarit i tha gazetës The US Sun se i shihte shpesh D4vd dhe Celeste Rivas së bashku. Ai deklaroi gjithashtu se menaxheri i këngëtarit, John Marshall, i dha me qira një shtëpi prej 4.7 milionë dollarësh nga shkurti 2024 deri në shtator 2025.
“Nuk e dija që ishte këngëtar, por e dija që kishte një Tesla sepse parkohej gjithmonë para shtëpisë. Shpesh e përshëndetnim, vetëm një ‘përshëndetje’ të shpejtë, kur shkonim në dyqan ose diku tjetër”, tha fqinji.
Ai shtoi se D4vd dhe Celeste ishin mjaft të mbyllur. “Sa herë që përpiqesha të flisja me ta, ata nuk komunikonin. Ata rrinin vetëm”.
Celeste Rivas u raportua e zhdukur në prill të vitit 2024, kur ishte vetëm 13 vjeçe. Ende nuk dihet se kur ose si vdiq. Policia beson se trupi kishte qenë në automjet për një kohë të gjatë, por nuk ka të dyshuar në këtë kohë.
“Në këtë kohë, Policia e Los Anxhelosit nuk ka një klasifikim zyrtar të krimit nga mjeku ligjor në lidhje me shkakun ose mënyrën e vdekjes. Prandaj, nuk kemi informacion mbi të dyshuarit e mundshëm në këtë kohë”, thuhet në deklaratën e policisë.
Muajin e kaluar policia mori një raport për një automjet që lëshonte një erë të pakëndshme, i cili ndodhej në një shërbim rimorkimi në Hollywood. Pas hetimeve të mëtejshme, një trup në dekompozim u gjet në bagazhin e makinës.
Autoritetet përcaktuan shpejt se makina ishte e regjistruar në emër të këngëtarit të D4vd, emri i vërtetë i të cilit është David Anthony Burke. Përfaqësuesi i tij për median deklaroi se këngëtari “është i informuar për gjithçka që ka ndodhur dhe se, megjithëse është aktualisht në turne, po bashkëpunon plotësisht me autoritetet”.
