Kris Jenner ishte mishërimi i elegancës pariziane teksa u pa në rrugët e Parisit të hënën, pak kohë pasi kishte kryer një ndërhyrje estetike në fytyrë me vlerë rreth 100,000 dollarë.
Menaxherja e famshme 69-vjeçare vazhdon të tërheqë vëmendje me lëkurën e saj të lëmuar, ndërsa largohej nga hoteli luksoz me pesë yje Hotel Costes.
Ajo dukej mahnitëse me një pallto të gjatë të markës Valentino me print leopard, e zbukuruar me kopsë të mëdha në ngjyrë ari dhe me astar të gjelbër, të kombinuar me një bluzë elegante të zezë, shkruan “Daily Mail”.
Për të plotësuar pamjen, Kris kishte veshur çizme të zeza prej lëkure dhe doreza të së njëjtës ngjyrë, ndërsa sytë i kishte fshehur pas një pale syze dielli.
Të apasionuarit pas stilit të saj kanë filluar të përpiqen të zbulojnë ‘fjalëkalimin’ sekret që Kris përdor për t’i referuar miqtë e saj te kirurgu plastik.
Ajo ka zbuluar së fundmi se bashkë me kirurgun e saj, Dr. Steven Levine, kanë krijuar një ‘fjalëkalim’ të veçantë që ajo ia jep miqve që duan të caktojnë një konsultë me të.
