I projektuar për të arritur një shpejtësi maksimale prove prej 450 km/orë (gati 280 mph) dhe një shpejtësi shërbimi komercial prej 400 km/orë (gati 248 mph), CR450 po i nënshtrohet provave kualifikuese në rrugën me shpejtësi të lartë, që lidh Shangain në lindje me Chengdunë në pjesën perëndimore të vendit.
Treni mund të përshpejtojë nga zero në 350 km/orë (gati 217 mph) në vetëm 4 minuta e 40 sekonda. Në një arritje mbresëlënëse, dy trena CR450 vendosën së fundmi një record, duke kaluar njëri-tjetrin me një shpejtësi të kombinuar prej 896 km/orë.
Krahasuar me paraardhësin e tij, CR400, CR450 ka një dizajn më të efektshëm, me një hundë më të gjatë, një vijë çatie 20 centimetra më të ulët dhe një ulje të peshës prej 50 tonësh, gjë që rezulton në një ulje prej 22% të rezistencës aerodinamike.
Aktualisht, trenat CR400 Fuxing operojnë me një shpejtësi maksimale prej 350 km/orë.
Përpara se të hyjë në shërbimin e pasagjerëve, CR450 do të përfundojë 600,000 kilometra (rreth 373,000 milje) provash pa incidente.
