Tragjik ka rezultuar fati i një 7-vjeçari shqiptar në Itali, i cili ka ndërruar jetë në një aksident. Ngjarja ndodhi mbrëmjen e së mërkurës në provincën e Bolonjës, rreth orës 21:00. Mediat italiane raportojnë se një makinë Volkswagen Corrado që drejtohej nga një shqiptar u përplas me fort me një Renault Clio të drejtuar nga një 20-vjeçar.
Po ashtu raportohet se një nga automjetet dyshohet se ka kaluar në korsinë tjetër për të shmangur një motor që po kthehej drejt një stacioni karburanti. Mësohet se fëmija humbi jetën në vendin e ngjarjes, ndërsa babai i tij u plagosur, po ashtu dhe drejtuesi i makinës tjetër.
Paraprakisht raportohet se fëmija, që ndodhej në sediljen e pasme, nuk kishte vendosur rripin e sigurimit.
