Trajneri i Real Madridit, Xabi Alonso ka folur pas fitores së ekipit të tij në “El Clasico”.
Real Madridi fitoi 2-1 ndaj Barcelonës në “Santiago Bernabeu”.
Pas kësaj fitoreje të madhe, Xabi Alonso është shprehur i lumtur me tri pikët, teksa ka disa fjalë edhe për Lamine Yamalin.
“Fjalët e Lamine Yamalit na motivuan ne? Ne veçse ishim të motivuar. E dinim sa e rëndësishme ishte kjo ndeshje. Kjo fitore vlen më shumë se tri pikë. Djemve iu duhej një fitore si kjo”, tha ai pas ndeshjes.
Alonso u bë trajneri i parë i Realit që nga Zinedine Zidane në vitin 2016, që e fiton Klasiken e parë si trajner.
