Lulzim Basha është thirrur pasditen e sotme në Prokurorinë e Posaçme.
Siç bën me dije gazetarja Klodiana Lala, ish kreu i PD-së është thirrur për të dhënë dëshmi lidhur me ngjarjen e 21 janarit 2011.
Gjatë kësaj kohe, ai ishte ministër i Brendshëm dhe Berisha kryeministër, kur gjatë një proteste të opozitës në Bulevard përpara kryeministrisë u vranë 4 protestues.
Dosja e 21 janarit po hetohet nga prokurori Alfred Shehu, edhe pas kërkesës së Gjykatës në Strasburg për të dhënë drejtësi për vrasjen e një prej viktimave Aleks Nikës.
