Qeveria në detyrë e Kosovës do të zhvillojë sot mbledhjen e radhës, e cila pritet të nisë në orën 09:30.
Sipas mediave të Kosovës, kabineti qeveritar do të diskutojë disa çështje me rëndësi për vendin, duke përfshirë planifikimet buxhetore për vitin e ardhshëm, shpronësimet për interes publik dhe raportin mjedisor për vitin 2024.
Miratimi i ekstraktit të procesverbaleve të mbledhjeve të mëparshme të Qeverisë (270, 271 dhe 272);
Shqyrtimi i Projektligjit për Ndarjet Buxhetore për vitin 2026;
Vendimi për shpronësimin e disa pronave në Prizren dhe Malishevë, për nevoja të institucioneve të sigurisë;
Aprovimi i buxheteve të komunave Prishtinë, Gjilan dhe Zubin-Potok për vitin 2025;
Prezantimi i Draft-Raportit vjetor për gjendjen e mjedisit në Kosovë për vitin 2024;
Të tjera çështje të ndryshme.
Mbledhja pritet të shërbejë për të avancuar proceset financiare dhe institucionale, si dhe për të adresuar prioritetet mjedisore për vendin.
