Një ngjarje e rëndë ka ndodhur mbrëmjen e sotme në fshatin Gjorm të bashkisë Selenicë, ku një person është plagosur si pasojë e një lëshimi të armës së zjarrit.
Sipas banorëve të zonës, ngjarja ka ndodhur pak minuta më parë në qendër të fshatit. Ende nuk dihen motivet apo shkaqet e ngjarjes, ndërsa policia ka mbërritur menjëherë në vendin e ngjarjes për të nisur hetimet.
I plagosuri është transportuar drejt Spitalit të Vlorës dhe ndodhet në gjendje të rëndë.
Policia vijon punën për zbardhjen e plotë të ngjarjes dhe identifikimin e personave të përfshirë.
