Një Thomas Müller me “mjekër si në stilin e playoffeve kanadeze” vazhdon të ecë i qetë përmes fazës play-off të MLS me klubin e tij të ri, Vancouver Whitecaps.
Megjithatë, lojtari gjerman mban ende një sy mbi ekipin e tij të dashur, Bayern Munich, i vetmi klub që ka përfaqësuar gjatë gjithë karrierës së tij të gjatë dhe plot lavdi.
Müller, ashtu si shumica e botës së futbollit, është i mahnitur nga ajo që po arrin Bayern me Harry Kane.
“Bayern është ndoshta ekipi më në formë në Europë për momentin,” tha Müller në një intervistë për Kicker.
“Futbolli i tyre dominues është kënaqësi për t’u parë. Unë vazhdoj të jem thellësisht i lidhur me klubin tim të vjetër dhe kam ende një ‘linjë të nxehtë’ komunikimi me ekipin.”
Kur iu drejtua pyetja nëse sulmuesi anglez Harry Kane – me 21 gola dhe 5 asistime në 14 ndeshje për Bayernin në të gjitha garat – është aktualisht lojtari më i mirë në botë, Müller u tregua disi i rezervuar. Megjithatë, në fund ai nuk kurseu lavdërimet për bashkëkohësin e tij, i cili ka shënuar edhe 7 gola për Anglinë gjatë dhjetë muajve të fundit.
“Nuk jam i befasuar që po vendos këto shifra,” tha Müller për Kane.
“Por mënyra si i arrin – duke mbrojtur si lojtar i gjithanshëm, duke shpërndarë topa dhe duke gjetur pasime depërtuese – është vërtet mbresëlënëse. Më pyesin shpesh nëse ai është aktualisht lojtari më i mirë në botë.
Sipas mendjes sime futbollistike, nuk ekziston diçka e tillë si ‘më i miri në botë’, sepse ndikojnë shumë faktorë. Por nëse do të ekzistonte, ai do të ishte një kandidat shumë i fortë”.
