Te Manchester United duket se po vjen era e ndryshimit.
Trajneri i Djajve të Kuq, Ruben Amorim po kërkon të sjellë ajër të freskët në Old Trafford pas shumë vitesh në krizë rezultatesh.
Por procesi i rinovimit të skuadrës, sipas trajnerit portugez, jo domosdoshmërisht bëhet përmes largimit të liderëve të vjetër të skuadrës sic janë Harry Maguiare dhe Casemiro, dy futbollistë me shumë eksperiencë, kontrata e të cilëve me Djajtë e Kuq skadon në qershorin e 2026.
‘Objektivi im është të vazhdoj të besoj si te Casemiro ashtu dhe te Magure, të dy kanë të njëjtin problem kontraktual-tha trajneri I Manchester United, Ruben Amorim-nuk e di se çfarë do të ndodhë vitin tjetër, por tani duhet të fokusohemi të sezoni aktual’.
