Debati i përjetshëm midis Cristiano Ronaldos dhe Lionel Messit duket se nuk ka fund.
Të dy lojtarët përkuan në një nga epokat më të lavdishme në historinë e futbollit për shumë vite dhe patën një rivalitet dhe nuk ndaluan së thyerit rekorde dhe së provuari se janë ndër futbollistët më të mirë në histori.
Megjithatë, krahasimet vazhdojnë edhe në vitin 2025 dhe këtë herë ishte radha e një ish-bashkëlojtari të CR7-së.
Një nga lojtarët me të cilët ndau dhomën e zhveshjes ishte Federico Chiesa, i cili në një intervistë për SKY Sports foli për atë se si ishte ta kishe Ronaldon si bashkëlojtar.
“Isha me fat që kalova një vit me një nga kampionët më të mëdhenj në historinë e futbollit: Cristiano Ronaldon.
Të shihje atë nga afër, përkushtimin e tij, forcën e tij mendore, vendosmërinë dhe praninë në çdo situatë ishte një frymëzim i vazhdueshëm për mua. Cristiano është në një planet tjetër.
Ishte emocionuese të punoje me të dhe të shihje çfarë bën ai për të qenë kaq i fortë,” shpjegoi sulmuesi italian.
“Kam luajtur me Ronaldon, dhe të luaje me të ishte e pabesueshme. Ata (Lionel Messi dhe Cristiano Ronaldo) janë vërtet lojtarët më të mirë në histori. Dhe për të qenë plotësisht i sinqertë, duhet të them se Leo Messi është futbollisti më i mirë në histori.”
Cristiano Ronaldo nuk është nga ata që japin shumë intervista dhe kur vendos t’i japë, ai është në gjendje të flasë për gjithçka dhe të lërë shumë reflektime të rëndësishme. Në ditët e fundit, CR7 foli me gazetarin Piers Morgan, ku ndër disa tema, foli për “fiksimin” për të fituar Kupën e Botës.
“Ka vende që janë mësuar të fitojnë gara të mëdha. Brazili, nëse e fiton Kupën e Botës, a do të habitet bota? Jo.
Nëse Portugalia fiton Kupën e Botës, gjë që është e mundur, kjo do të habiste botën. Por në mendjen time, nuk mendoj kështu. Jam i sinqertë.
Për mua, kjo nuk do të ndryshojë mënyrën se si e shoh unë gjërat apo mënyrën se si e shoh futbollin,” tha Ronaldo për opsionin e fitimit të Kupës së Botës.
Kur u pyet nëse mund të konsiderohet më i miri në histori, CR7 ishte mjaft i qartë. “Nuk më intereson më kjo. Seriozisht. Historia flet vetë.
Njerëzit kanë opinione.
Disa njerëz pëlqejnë biondet më shumë, disa njerëz pëlqejnë brune. Është në rregull. Asnjë problem për mua.
Por të ndryshosh historinë, historinë e Portugalisë, për të thënë se Cristiano do të fitojë Kupën e Botës, do të jetë ai… jo. Kjo nuk ka kuptim për mua.”
