Krateri i vullkanit Kilauea në Hawaii shpërtheu të dielën, duke krijuar një show natyror të jashtëzakonshëm. Rrymat e lave që dolën nga krateri qëndruan aktive për pesë orë, herë pas here duke arritur lartësinë e jashtëzakonshme prej më shumë se 300 metrash.
Ky vullkan, i njohur si një nga më aktivët në botë, ka shkaktuar 36 shpërthime që nga fundi i dhjetorit 2024, por sipas Shërbimit Gjeologjik të SHBA-së, shpërthimi i fundit është tashmë nën kontroll.
Banorët dhe turistët që ndodheshin në zonë kanë qenë dëshmitarë të një pamjeje mbresëlënëse dhe frikësuese njëkohësisht, një kombinim i fuqisë natyrore dhe bukurisë dramatike të Hawaii-t.
