Drejtoresha e Përgjithshme e Radio Televizionit Shqiptar, Eni Vasili deklaroi se kërkesa e këtij institucioni për fonde shtesë në buxhetin e 2026-ës, nuk është plotësuar. Ajo theksoi se kërkesë nuk ka të bëjë me luks, por me nevojën për mbijetesë financiare dhe ruajtjen e standarteve të shërbimit publik që qytetarët presin nga RTSH.
“Kërkesa për fonde shtesë nuk është plotësuar. Masat e marra nga ne sollën uljen e borxhit deri në 30%. Megjithatë 250 mln lekë parashikon të mbarten deri në 2026. Kjo situatë e bën të domosdoshme rritjen e mbështetjes financiare që RTSH të sigurojë stabilitetin financiar.
Në kushtet financiare ku ndodhemi, kjo e jona është kërkesë për mbijetesë financiare dhe ruajtjen e standardeve të RTSH”, deklaroi Vasili ndërsa vlerësoi si thelbësore mbështetjen e Kuvendit për garantimin e një transmetuesi publik të qëndrueshëm, modern dhe në shërbim të çdo shqiptari brenda dhe jashtë vendit.
