Një shpërthim i madh ndodhi dje në uzinën e përpunimit të naftës bruto Petrosedeno në Venezuelë, në shtetin e Anzoategui.
Objekti është një pjesë kyçe e rrjetit të përpunimit të naftës së rëndë bruto në vend.
Shpërthimi shkaktoi një zjarr në uzinë, ndërsa re të mëdha tymi të zi u shfaqën në qiell.
Ambulancat nxituan në vendngjarje dhe punëtorët e fabrikës u evakuuan. Deri më tani, nuk ka raportime për të lënduar, ose për shkakun e shpërthimit.
Ekipet e shpëtimit mbeten në vendngjarje, ndërsa autoritetet vlerësojnë shkallën e dëmeve.
Ngjarja vjen në kulmin e tensioneve mes SHBA-ve dhe Venezuelës dhe pak pas lajmit se presidenti Donald Trump ka urdhëruar dhe autorizuar CIA-n për operacione të fshehta në vendin e Amerikës Latine, me qëllim rrëzimin e regjimit të presidentit Nicolas Maduro.
