Aktorja Sienna Miller u shfaq me një pallto me ngjyra të ndezura, me pamje pushi, ndërsa pozonte në një fotosesion zbavitës bashkë me një mike në Londër të enjten.
43-vjeçarja dukej në humor shumë të mirë teksa ecte e veshur me një xhaketë Desigual prej 265 paundësh.
Ajo e kombinoi veshjen shumëngjyrëshe me pantallona të bardha të qepura dhe mokasina të zeza prej lëkure, shkruan “Daily Mail”.
Për aksesorë, Sienna zgjodhi një palë syze me motiv leopard, duke shtuar një prekje animal print në pamjen e saj.
Ajo u pa duke shëtitur nëpër rrugët e kryeqytetit, e kapur për krahu me shoqen e saj, e cila kishte veshur një pallto Prada.
Sienna mirëpriti fëmijën e saj të parë me partnerin Oli Green, 28 vjeç, vitin e kaluar, pasi çifti nisi lidhjen në vitin 2021. Ajo është gjithashtu nënë e Marlowe-së, 12 vjeçe, nga marrëdhënia e mëparshme me Tom Sturridge.
