Avokati Rezart Kthupi ishte i ftuar në Off the Record ku komentoi zhvillimet e fundit në Prokurorinë e Posaçme.
Kthupi shprehet se tashmë që SPAK është pjekur si institucion njerëzit po habiten sa të korruptuar ka.
“Çdo lloj veprimi që do ndërmarr SPAK do ketë pasoja politike. Fenomeni i habitshëm është që ndonëse SPAK u krijua 10 vite më parë, u shtuan këto manovra vitet e fundit. Sot SPAK ka krijuar pjekurinë dhe na duket habi që pse ka kaq shumë të korruptuar. Synimi ky ishte. Korrupsioni dhe krimi i organizuar janë shkrirë dhe kanë deformuar ekonominë e vendit. Këto paratë e korrupsionit dhe krimit në Shqipëri investohen. Po bëhet një flluskë që do ja ndjejmë pasojat në një të afërme jo shumë të largët”, u shpreh Kthupi.
