Gjurmë të gazit toksik fosfin janë gjetur në dhomën e hotelit në Stamboll ku një familje nga qyteti port i Hamburgut në Gjermani u gjet e vdekur nga dyshimet për helmim.
Anadolu citoi një raport mjekësor ligjor ku thuhet se substanca u zbulua në mostrat e marra nga dhoma dhe në peshqirët e hotelit.
Gazi fosfin prodhohet kur fosfidi i aluminit, një substancë e përdorur shpesh për asgjësimin e parazitëve, bie në kontakt me ujin ose edhe me lagështinë e ajrit.
Ai mund të jetë kërcënim serioz për jetën nëse thithet. Katër anëtarët e familjes humbën jetën gjatë pushimeve në Stamboll në mesin e nëntorit, raporton KosovaPress.
Sipas raportit paraprak të autopsisë, helmimi nga kimikatet për të luftimin e parazitëve në dhomën poshtë tyre mund të ketë shkaktuar vdekjen, ndërsa helmimi nga ushqimi është marrë gjithashtu në konsideratë si një mundësi, por tani konsiderohet më pak i mundshëm.
