Për shkak të stuhisë së fortë që goditi Greqinë jugperëndimore, 11 bashki në rajonet e Atikës, Pireut, Epirit, Peloponezit dhe Ishujve Jonianë vendosën të mbyllin shkollat sot, dhe në rajonin e Athinës, reshjet e dendura të shiut shkaktuan një kolaps trafiku në rrugët qendrore, njoftuan zyrtarët grekë.Siç njoftoi Ministria greke e Arsimit, udhëheqja e Ministrisë së Mbrojtjes Kombëtare është “në komunikim të vazhdueshëm me drejtoritë rajonale për arsimin dhe me të gjitha bashkitë që po përballen me probleme për shkak të ngjarjeve të rënda të motit”, raporton “Katimerini”.
Reshjet më të dendura të shiut në gadishullin e Atikës u regjistruan deri në mëngjesin e sotëm në Falir, Alimos dhe Kifissia.
Gjatë ditës pati bllokime të dukshme trafiku në rrugët qendrore të Athinës dhe në rajonin më të gjerë të Atikës, ndërsa pjesa e Pireut, e cila ishte mbyllur për shkak të ujit, u rihap për trafikun.
