Ballina Rajoni Protesta e fermerëve grekë bllokon aksin Kakavijë–Janinë, pezullon punën pika kufitare

Protesta e fermerëve grekë bllokon aksin Kakavijë–Janinë, pezullon punën pika kufitare

21
0

Aksi rrugor Kakavijë–Janinë do të jetë i bllokuar sot për shkak të një proteste të paralajmëruar nga fermerët grekë.

Sipas njoftimit zyrtar të Policisë Kufitare Kakavijë, bllokimi do të zgjasë nga ora 18:00 deri në 22:00 (ora greke), ndërsa si pasojë, puna në pikën kufitare do të pezullohet përkohësisht.

Gjatë kësaj fashë orare do të lejohet qarkullimi vetëm për automjetet që kanë emergjenca shëndetësore.

Kakavijë/ Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se më datë 30.11.2025, nga ora 18:00 deri në orën 22:00 (me orën greke), aksi rrugor Kakavijë–Janinë do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.