Tom Stoppard, dramaturgu britanik, me zgjuarsi marramendëse dhe erudicion të gjallë ka vdekur në moshën 88-vjeçare, sipas AP.
Stoppard arriti të përcillte te publiku një sensacion teatral që nga vitet 1960, dramat e të cilit përfshinin “Arcadia”, “The Real Thing” dhe “Leopoldstadt”.
Stoppard pati gjithashtu sukses të madh edhe si skenarist.
Dramaturgu britanik, fitoi një çmim “Oscar” për skenarin e filmit “Shakespeare In Love” në vitin 1998.
Stoppard vdiq në shtëpinë e tij në Dorset në Anglinë jugore, i rrethuar nga familja e tij.
“Ai do të mbahet mend për veprat e tij, për shkëlqimin dhe humanizmin e tyre, dhe për zgjuarsinë e tij, bujarinë e shpirtit të tij dhe dashurinë e tij të thellë për gjuhën angleze”, tha “United Agents”, Agjencia Letrare dhe e Talenteve, në Londër.
Këngëtari i “Rolling Stones”, Mick Jagger, ishte ndër ata që kujtuan “gjigantin” e teatrit – i cili ishte shumë intelektual dhe shumë argëtues në të gjitha shfaqjet dhe skenarët e tij.
“Ai kishte një zgjuarsi marramendëse dhe e donte muzikën klasike, e cila shpesh shfaqej në punën e tij të madhe”, tha Jagger.
“Ai ishte një mik dhe shok i qetë dhe sarkastik. Do të më mungojë gjithmonë”, tha Jagger.
Shoqata e Teatrit të Londrës njoftoi se teatrot e “West End” do të fiknin dritat për dy minuta të martën në përkujtim të tij.
Presidenti i saj, Kash Bennett, tha se “zëri i jashtëzakonshëm i Stoppard riformësoi teatrin modern, duke kombinuar guximin intelektual, thellësinë emocionale dhe zgjuarsinë e mprehtë në veprat që sfiduan, prekën dhe kënaqën audiencat ndër breza”.
