Banka e Portugalisë po përgatitet të publikojë një kartëmonedhë krejtësisht të veçantë me vlerë 7 euro, një edicion unik që pritet të tërheqë vëmendjen e botës para Kupës së Botës 2026.
Arsyeja?
Nderimi i lojtarit më të madh në historinë e vendit – Cristiano Ronaldos.
Ky projekt simbolik vjen si shenjë mirënjohjeje për karrierën e jashtëzakonshme të CR7, i cili prej vitesh ka qenë ambasadori më i madh sportiv i Portugalisë. Kartëmonedha pritet të jetë pjesë e një serie të limituar, duke e bërë atë një objekt koleksionues për tifozët në mbarë globin.
Me Botërorin 2026 që afrohet dhe me pyetjet e shumta rreth pjesëmarrjes së mundshme të Ronaldos në turneun e tij të fundit të madh, iniciativa e Bankës së Portugalisë shihet si një mënyrë ideale për të festuar trashëgiminë e sulmuesit që ka thyer rekorde dhe ka inspiruar breza të tërë.
Edhe pse ende nuk janë zbuluar detaje të dizajnit, pritshmëritë janë të larta: një kartëmonedhë ikonike për një lojtar ikonik. Portugalia po i jep botës jo vetëm një gjest simbolik, por edhe një kujtim historik për një legjendë të gjallë.
