Premier League nuk ndalet kurrë dhe, siç është traditë, do të festojë përsëri këtë vit me “Boxing Day”.
Ndoshta në një shkallë më të vogël se në të kaluarën, me vetëm një ndeshje më 26 dhjetor, por shumë të rëndësishme, ajo mes Manchester United dhe Newcastle në Old Trafford.
Djajtë e Kuq do të detyrohen të përballen me mungesa të konsiderueshme për shkak dëmtimesh ku veçohet Bruno Fernandes dhe trajneri Ruben Amorim theksoi rëndësinë e mesfushorit portugez, por dhe rëndësinë e ndeshjes.
“Bruno Fernandes është një lojtar që nuk mund të zëvendësohet, por i thashë ekipit se duhet të shohim anën pozitive të gjërave. Tani, disa lojtarë duhet të përmirësohen. Nuk ka të bëjë vetëm me krijimin e lojërave, por edhe me çdo goditje standarde. Ai është njeriu që organizon gjithçka dhe kjo është një mundësi e mirë për të tjerët që të kuptojnë se nuk mund të mbështetemi vetëm në një lojtar”.
“Shpesh mbështetemi te Bruno Fernandes për të organizuar ndeshjen.
Për shumë njerëz, kjo është një mundësi e rëndësishme për të dalë përpara dhe për të demonstruar se kemi lidershipin që i duhet ekipit tonë”.
“Çfarë humbasim me mungesën e Bruno Fernandes? Humbasim gjithçka, sepse ai kupton gjithçka në çdo zonë të fushës dhe i kushton vëmendje çdo detaji.
Me çdo top të humbur ose zëvendësim, ai është gjithmonë ai që u tregon të tjerëve se ku të pozicionohen. Edhe ai mund të mungojë, kështu që të tjerët do të kenë një mundësi të shkëlqyer”.
