Cristiano Ronaldo ishte një nga fituesit në ceremoninë e përvitshme në fundvit të “Globe Soccer Awards”. Ylli portugez fitoi çmimin ‘Lojtari më i Mirë i Lindjes së Mesme’.
Në deklaratën e tij para gjithë të pranishmëve në sallë, Cristiano Ronaldo zbuloi edhe njëherë tjetër objektivin e madh që ka për pjesën e mbetur të karrierës, që është shënimi i 1000 golave.
“Ju e dini cili është qëllimi im.
Dua të fitoj më shumë trofe dhe të arrij NUMRIN që ju të gjithë e dini.
Do ta arrij atë NUMËR me siguri…
Nëse nuk ka lëndime, inshallah”, tha ylli portugez.
Deri tani, Ronaldo ka shënuar 957 gola në karrierë. Po ashtu, një tjetër synim është edhe suksesi me Portugalinë ne Kupën e Botës 2026, trofeu i vetëm madhor që i mungon Ronaldos deri më sot.
