Prefekti i Tiranës Afrim Qendro, në një komunikim për mediat nga vendngjarja, sot në 8 janar, foli më shumë për zjarrin që ka rënë tek 5 Maji në kryeqytet.
Qendro u shpreh se është kërkuar mbështetje për të shuar flakët nga zjarrfikëset e Elbasanit, Vorës dhe të ushtrisë. Ai theksoi se nuk ka persona të lënduar nga flakët, duke shtuar se nuk ka lëndë të rrezikshme të përfshira nga zjarri, por janë kryesisht rroba.
“Po mundohemi që të rregullojmë problemin. Kjo është një magazinë e madhe, ku operojnë disa biznese. Nuk ka gjëra të rrezikshme, por rroba dhe sende të tjera. Po pritet të vijë dhe zjarrfikësja e Elbasanit, do vijnë dhe zjarrfikëset nga ushtria. Do na ndihmojnë me furnizimin me ujë. Nuk ka persona të lënduar. Forcat e rendit kanë siguruar një perimetër. Zjarri po vazhdon. Është zjarr masiv, është magazinë shumë e madhe dhe kërkon kohën e vet. Situiata është nën kontrollin e zjarrfikësve. Janë në terren 11 zjarrfikëse dhe 60 efektivë”, tha prefekti Qendro.
Tregu i rrobave të përdorura tek 5 Maji ka marrë flakë këtë të enjte, 8 janar 2026, duke shkaktuar panik tek banorët dhe pasoja të shumta për bizneset.
