Juventus mund të ri gjejë Dusan Vlahovic më shpejt se sa parashikohej. Sipas të përditshmes italiane “TuttoSport”, sulmuesi serb ka “djegur” etapat e rikuperimit dhe mund të zbres në fushë me 2-3 javë më herët se sa pritej. Kjo do të thotë se Vlahovic mund të jetë në dispozicion të Spallettit në mesin e muajit shkurt. Nuk është aspak çudi nëse e shohim Vlahovic në takimin kundër Inter, më 15 shkurt, të paktën kjo është dëshira e madhe e trajnerit të “Zonjës së Vjetër”.
Vlahovic është në bokse që nga 29 nëntor pasi pësoi një tërheqje muskulore në sfidën kundër Cagliarit, por në fillim të dhjetorit nisi menjëherë fazën e rikuperimit. Këto sinjale të ardhura nga Vlahovic pritet të kenë një efekt domino edhe në merkaton e Juves këtë dimër, kjo pasi “Zonja e Vjetër” po studionte tregun për ndonjë afrim të mundshëm në fazën sulmuese.
