Në një seancë maratonë që zgjati më shumë se 10 orë, tetë gjyqtarët e Gjykatës Kushtetuese nuk arritën të marrin vendim për ankimimin e kryeministrit Edi Rama lidhur me pezullimin nga detyra të Belinda Ballukut.
Votimi u nda në katër vota pro dhe katër kundër, duke mos bërë të mundur sigurimin e shumicës së nevojshme prej 5 votash. Për pasojë, mbetet në fuqi vendimi i GJKKO për pezullimin nga detyra të Ballukut.
Janë bërë të ditur edhe emrat e gjyqtarëve që votuan kundër dhe pro kërkesës së Ramës.
Kundër kërkesës së Ramës:
Ilir Toska
Asim Vokshi
Marsida Xhaferrllari
Gent Ibrahimi
Pro kërkesës së Ramës:
Fiona Papajorgji
Sonila Bejtja
Sandër Beci
Marjana Semini
Në mungesë të një vendimi me shumicë votash, situata ligjore mbetet e pandryshuar dhe pezullimi nga detyra i Ballukut vijon të jetë në fuqi.
