Çmimin kryesor në ceremoninë e 78-të të Çmimeve të Shoqatës së Drejtorëve të Amerikës (DGA) e fitoi Paul Thomas Anderson, regjisori i filmit “One Battle After Another”. Eventi, i cili nderon arritjet më të rëndësishme regjisoriale të vitit në film dhe televizion, u prezantua nga komediani i nominuar për çmimet Oscar dhe Emmy, Kumail Nanjiani. Ceremonia e 78-të e Çmimeve DGA u mbajt të shtunën, më 7 shkurt, në Beverly Hills.
Çmimi DGA për Regji të Shquar në një Film Metrazh të Gjatë ka qenë prej kohësh një pararendës i Oskarit për Regjisorin më të Mirë. Paul Thomas Anderson, duke pranuar çmimin, ia kushtoi pjesën më të madhe të fjalimit të tij të pranimit të çmimit për të nderuar bashkëpunëtorin e tij të ndjerë, asistent regjisorin Adam Somner, i cili vdiq në vitin 2024.
Çmimi për Serialin Dramatik më të Mirë i shkoi Amanda Marsalis për episodin “6:00 PM” të serialit “The Pitt”, ndërsa çmimi për Serialin Komedi më të Mirë i shkoi Seth Rogen dhe Evan Goldberg për episodin “The Oner” të serialit “The Studio”, i cili u fitoi atyre edhe një çmim Emmy për Regji shtatorin e kaluar.
Goldberg dhe Rogen ia dedikuan fitoren e tyre yllit të ndjerë të “Studio”, Kathryn O’Hara.
“Ne u rritëm në Kanada dhe ajo ishte dhe është idhulli ynë që kur ishim fëmijë. Ajo tregoi se mund të jesh një gjeni absolut dhe personi më i sjellshëm në botë ”, tha Goldberg.
