Dhjetra punonjës të kompanise së sigurimit të Bankers Petroleum” SHPSF Serjani”, janë ngritur në një protestë paraditen e sotme.
Prej 7 muajsh ata nuk kanë marrë pagat duke e bërë situatën e 120 punonjësve tepër të vështirë.
Kemi qënë 380 punonjës thonë ata , por janë bërë shkurtime të vazhdueshme , ndërkohë që kjo është protesta e katërt brenda 7 muajve. Jemi zhytur në borxhe e kredira thonë protestuesit , ndaj kjo problematikë duhet të marrë zgjidhje.
Ndërkohë ata kanë pohuar se gjatë gjithë kësaj kohe kanë marrë kontakte me drejtuesit e kompanisë të cilët i kanë mbajtur me shpresa të kota.
Përballë kësaj situate punonjësit kanë pohuar se do të vazhdojnë protestat paralelisht me punën derisa problematika e tyre të marrë zgjidhje.
