Sipas raporteve të fundit të mediave turke, aktorja e njohur Pelin Karahan dhe biznesmeni Bedri Güntay, të cilët u martuan në vitin 2014, po përballen me probleme në marrëdhënien e tyre dhe kanë vendosur të ndahen. Çifti që ka dy fëmijë, Ali Demir dhe Eyüp Can, thuhet se po jeton në shtëpi të ndara, ndërsa Bedri Güntay ka marrë një banesë të veçantë, gjë që ka nxitur thashethemet për divorc.
Gazetarja Birsen Altuntaş raporton se ndarja e tyre është një vendim i marrë pas mosmarrëveshjeve dhe se çifti planifikon të menaxhojë këtë proces në mënyrë paqësore, duke pasur parasysh mirëqenien e fëmijëve.
Megjithatë, deri më tani nuk ka pasur asnjë deklaratë zyrtare nga Pelin Karahan ose Bedri Güntay lidhur me këtë çështje.
Në një intervistë të fundit, Karahan kishte deklaruar: “Po jetoj një jetë që nuk mund ta ëndërroja. Nuk kam shqetësime për karrierën, nuk kam shqetësime financiare.”Fjalët e saj u komentuan gjerësisht pas shfaqjes së thashethemeve mbi ndarjen.
Gjithashtu, Karahan kishte zbuluar në një program televiziv se: “Në një moment, vajza i dërgojnë foto nudo burrit tim në rrjetet sociale, por nuk mërzitem nga këto gjëra, kurrë nuk jam xheloze. Bedri më lidhi që në darkën tonë të parë. Më pëlqeu, dhe përpara se ta kuptoja, u martuam.”
Ndarja e mundshme e çiftit ka trazuar mediat rozë dhe fansat e aktores, ndërsa të gjithë presin një konfirmim zyrtar nga palët.
