Bylisi fitoi 1-0 ndaj Vorës në stadiumin “Adush Muça”, në ndeshjen e javës së 27-të të Superiores. Sfida ishte e balancuar për pjesën më të madhe të kohës, me pak raste të pastra shënimi nga të dy skuadrat.
Në pjesën e parë, Bylisi gjeti rrugën e rrjetës me Olavio, por goli u anulua për pozicion jashtë loje pas verifikimit me VAR.
Në vazhdim, portieri i Vorës, Harizaj, u bë protagonist me disa ndërhyrje vendimtare. Momenti vendimtar i takimit erdhi në minutën e 88-të, kur Adepojo shënoi pas një krosimi nga e djathta i Abdulahi. Deri në fund rezultati nuk ndryshoi dhe vendasit administruan avantazhin minimal.
Me këtë fitore, Bylisi ngjitet në vendin e shtatë me 27 pikë. Ndërkohë Vora zbret në vendin e tetë me një pikë më pak.
