Pas përfundimit të afatit të thirrjes për aplikim për pozicionin e Drejtorit të Përgjithshëm të Policisë së Shtetit, Ministria e Punëve të Brendshme ka bërë publike listën e kandidatëve që kanë paraqitur interes për këtë detyrë.
Sipas njoftimit zyrtar, në garë janë 16 kandidatë, sipas rendit alfabetik: Afrim Tafa, Alfred Çepe, Arjanit Arapi, Ejona Gurbardhi, Elidon Çela, Gentian Berberi, Gentjan Shehaj, Idajet Faskaj, Lorenc Panganika, Neritan Nallbati, Pëllumb Seferi, Rebani Jaupi, Saimir Boshnjaku, Skënder Hita, Suela Sulkaj dhe Tonin Vocaj.
Nga lista e aplikantëve, dy janë gra që kanë hyrë në garë për drejtimin e Policisë së Shtetit: Ejona Gurbardhi dhe Suela Sulkaj. Të dyja janë juriste dhe vijnë nga jashtë radhëve të policisë.
Procesi përzgjedhës vjen pas shkarkimit nga detyra të ish-drejtorit të Policisë së Shtetit, Ilir Proda.
