Princ Leka II është martuar me zonjushën Blerta Celibashi. Lajmi është bërë i ditur nga Oborri Mbretëror Shqiptar përmes një njoftimi zyrtar.
Sipas njoftimit, martesa u kremtua në një ceremoni private, duke ruajtur karakterin intim dhe solemn të ngjarjes.
Fotografia zyrtare e publikuar me këtë rast është realizuar në Kështjella Apponyi në Sllovaki. Zgjedhja e këtij ambienti historik lidhet me familjen fisnike të mbretëreshës Geraldina, pasi kështjella ka qenë rezidencë e saj.
Sipas Oborrit Mbretëror, përzgjedhja e këtij vendi është bërë për të nderuar trashëgiminë dhe origjinën hungareze të Mbretëreshës Geraldinë, e cila konsiderohet një pjesë e rëndësishme e historisë së Familjes Mbretërore Shqiptare.
