Ish-anëtari i One Direction, Louis Tomlinson, ka reaguar ashpër gjatë një koncerti të tij në Itali, duke premtuar rimbursim për fansat që kishin blerë bileta me pamje të kufizuar apo pa pamje fare nga skena.
Ngjarja ndodhi gjatë koncertit në Bologna, në kuadër të turneut të tij të ri, ku këngëtari ndaloi performancën për të adresuar situatën. Ai u shpreh se shitja e biletave në vende ku fansat nuk mund të shohin skenën “nuk është e drejtë” dhe kërkoi falje publike.
“Na dërgoni email dhe do t’ju rimbursojmë – nuk duhet t’i shisnim këto bileta”, tha artisti para publikut, duke fituar duartrokitje dhe mbështetje nga fansat.
Biletat me pamje të kufizuar janë bërë të zakonshme në koncertet e artistëve të mëdhenj, por ky rast ka nxitur reagime të forta në rrjetet sociale, ku fansat kanë vlerësuar gjestin e Tomlinson si të ndershëm dhe respektues ndaj publikut.
Ky veprim është parë si një shembull i rrallë në industrinë muzikore, ku artistët zakonisht nuk ndërhyjnë drejtpërdrejt në çështjet e shitjes së biletave
