Një alarm u dha të hënën në mëngjes në Spitalin e Përgjithshëm të Trikalës, pasi dy të burgosur u arratisën nga reparti special.
Sipas raportimeve të mediave greke , bëhet fjalë për dy të burgosur romë të cilët në rrethana ende të paqarta, arritën të arratisen nga spitali rreth orës 2:00 të mëngjesit.
Ata po trajtoheshin në zonën e projektuar posaçërisht të spitalit, e cila është menduar për mbajtjen dhe trajtimin e personave në paraburgim.
Një hetim policor është duke u zhvilluar për gjetjen dhe arrestimin e tyre. Njëkohësisht, po shqyrtohen të gjitha mundësitë në lidhje me metodën e arratisjes, si dhe kushtet e paraburgimit që mbizotëronin në kohën e arratisjes.
