Artan Fuga ka reaguar, pas humbjes së thellë të opozitës në zgjedhjet e 11 majit, siç po shihet deri tani.
“Ore, po kur humb zgjedhjet opozita, prapë e pakritikueshme është?
Se ata sloganin shpëtimtar t’i bësh opozitë, edhe qeverisë, edhe opozitës, që është formuluar në 1998 në zyrën e presidentit të atëhershëm të Republikës, që pastaj e nxorrën nga konteksti, e shtrembëruan, unë jam autori.
Se si t’ja bëjë qytetari, këta deputetët dhe drejtuesit e PD nga brenda nuk kritikojnë kurrë, jepni mandatet i japin, mos hyni në zgjedhje lokal nuk hyjnë, mbahuni te figura të konsumuara që vetëm parti politike nuk përfaqësojnë, aty mbahen, e më tej.
Nga brenda, jo kritike, nga jashtë pa pa pa pa asnjë kritikë se po kritikove opozitën je i blerë, si i bëhet?
Po pse çfarë është opozita që nuk u dashka të kritikohet? Lopë e shenjtë indiane? Ujë i kulluar Valbone? Perëndi Maya ? Se përënditë greke, edhe ato i kritikonin”, shkruan ai.
